龍舟唱本 男燒衣

龍舟唱本 男燒衣

文章老蔣 » 2013, 1月 29 週二 00:29

龍舟唱本 男燒衣 50年代香港五桂堂印

圖檔
圖檔

原文照抄

文章甘牛 » 2013, 1月 29 週二 00:30

男燒衣祭奠情人

聞得妹你話死
我都實見悲傷。。
妹你為因何事自縊懸梁。。
人話死咯尚屬思疑唔信佢講
今日果然死咯叫我怎不悲傷。。
哩會唔望與嬌彈和唱
唔望燈前月下結呢段鴛鴦。。
恨只恨哩幾尺紅羅將妹你命喪
所有舊時個啲恩愛o者咁就付水東洋。。
日前愿把債目還清同爾上岸
我重應承個月內o者共妹你從良。。
死謂所因銀共兩
縱有萬金難買妹你還陽。。
呢會任得天上跌個落嚟唔慌我重想
愁有萬丈
罷咯不若買只小舟來將水陸放
等你早登仙界o者直上慈航。。
【龍舟】
忙解纜
出到江濱。。
只見江風漁火照住愁人。。
各物擺齊兼共果品
愿妹前來鑒領情真。。
燒頁紙錢淚珠惡隱(忍)
三杯薄酒奠妹孤魂。。
燒到同(童)男同女等妹你相親近
吩咐從人使喚聽佢時文。。
燒到棕槓鬼檯以及酸枝凳
有衣裳物件與及金銀。。
重有一串鎖匙交過你收緊
切莫頑皮棘(激)著主人。。
燒到胭脂和共水粉
刨花兼軟抆揀粧一個照妹孤魂。。
又燒到芽蘭帶與及繡花鞋。。
可恨當初唔好早日帶妹你埋街。。
免使你在青樓多苦捱。。
咁好沉香當作爛柴。。
芽蘭帶乃係小生親手買
可惜個對花鞋繡得咁佳。。
記得八月中秋仝(同)把月拜
重話二人衾枕永結和諧。。
點想別離心事古怪
誰知錯意把命來o徙。。
唉我越想越思心痛壞
珠淚流唔曬
妹呀爾便夢中魂魄講幾句愁懷。。
燒到三弦簫管與及琵琶。。
人話歌言快樂果實唔差。。
無事拈來彈佢幾下
不妨陰府自己繁華。。
知音人聽愁消化
妹呀你在鬼門關等下
等我共你脫離苦海勝過仙家。。
燒到係蚊帳與及鶴絨巾。。
重有香珠一串十八子掛在妹你襟頭。。
玉嘴煙筒銀鏈扣
人話水煙至好出在蘭州。。
燒到煙槍煙托與及雷州斗
又來燒到呢個煙屎鉤。。
局紗一盞光明透
但煩燈暗要妹自己添油。。
個盒公煙如果係舊
清香翳膩極好談頭。。
無事拈來談佢己(幾)口
不妨陰府自己綢繆。。
咁多物件燒來交過你手
關防門戶莫比(畀)人偷。。
妹你生時所用般般有
今日把火焚燒在水上浮。。
再酌酒
奠妹妝臺。。
愿妹前來鑒領一杯。。
飲過此杯離卻苦海
等你早登仙界直上蓬萊。。
你有真心還卻舊愛
除非要在夢中來。。
長嘆一聲嬌罷妹
【轉南音】
心頭拍己(幾)下自見癡呆。。
又到艇嫂上前仝(同)佢抹淚
叫聲大相切莫悲哀。。
舍得多情愁有多情配
奴奴情愿共你為媒。。
你既有真心寧守耐
等我找尋一個過你靚過花魁。。
人話男子心腸多有變改
見君情義少人倍(陪)。。
蠟燭替君流血淚
半天仙鶴渡郎回。。
不如忍淚埋街去
免令今夜自己癡呆。。
忙轉艇,快如雲。。
雙槳齊撓水兩奔。。
海闊風狂須要坐穩
待我開言共你講幾句時文。。
我地隔鄰有個叫做馮人引
真正好品
腳又細時滿手指針。。
年方二八知書禮
詩詞歌賦件件皆能。。
舊年有位少爺話仝(同)佢上岸
佢要揀個多情人仔兩相登。。
問聲阿相(生)可否心情肯
噯真正妙甚
真妙甚
待我把鵲橋高架起等你直上到浮雲。。

回到 粵網交流